Succession - Eman Ali

Dau gopi yn unig i bob cwsmer

Mae Succession yn archwilio pryder dwfn Eman Ali am ddyfodol gwleidyddol ansicr ei gwlad. Gan weithio gyda deunydd o’r archifau sy’n canolbwyntio’n bennaf ar ddegawd cyntaf teyrnasiad Ei Fawrhydi Swltan Qaboos bin Said, mae hi’n edrych i’r gorffennol, i ailfeddwl beth yw ystyr hunaniaeth genedlaethol, hanes, cof, a cholled. Mae’r llyfr yn cynnwys detholiad o ffotograffau a dynnwyd ar iPhone ac yna eu hailweithio i greu cyfres o luniau wedi eu tocio’n ofalus a’u trefnu mewn dilyniant breuddwydiol. Mewn cyfnod o newid mawr yn y Dwyrain Canol ac yn y byd yn gyffredinol, mae’r golwg hwn ar Oman yn gweithredu fel trosiad am ansefydlogrwydd cenedlaethol a gwleidyddol byd-eang ehangach ac yn dangos mor ansicr yw’r dyfodol i ni i gyd.

Comisiynwyd y llyfr hwn gan Ffotogallery ar achlysur yr arddangosfa ‘The Place I Call Home’, dan geidwadaeth David Drake, i’r British Council. Mae’r arddangosfa’n teithio’r DU a gwledydd Cyngor Cydweithredol y Gwlff.

Lluniau © Eman Ali